З Ляхавічаў уцёк каталіцкі святар: на яго завялі крымінальную справу за пратэсты


Ксёндз Дзмітрый Прыступа.
Фота: Catholic.by

З Беларусі быў вымушаны з’ехаць каталіцкі святар Дзмітрый Прыступа. Супраць яго завялі крымінальную справу.

Улады Беларусі абвясцілі ў вышук 29-гадовага ксяндза з Ляхавічаў Дзмітрыя Прыступу. У мясцовай парафіі Найсвяцейшага Сэрца Езуса ён служыў крыху больш за тры гады.

Паводле версіі дзяржаўнага тэлебачання, падчас пратэстаў у жніўні ён наўмысна наехаў на міліцыянта ў Баранавічах.

Інтэрв’ю
«Царква павінна паказаць, што белае, а што чорнае». Вялікае інтэрв’ю з пастарам царквы «Новае жыццё», у якой забралі будынак
2021.04.04 17:07

У пастанове пра абвяшчэнне ў вышук абвінавачванага паведамляюць, што 11 жніўня каля 21:30 святар за стырном «BMW» «з помсты за выкананне службовай дзейнасці» наўмысна здзейсніў наезд на вайскоўца з часткі 7404 і тым самым дапусціў гвалт над працаўніком органаў унутраных справаў, які быў на службе ў форменным абмундзіраванні. У выніку пацярпелы атрымаў «цялесныя пашкоджанні ў выглядзе ўдару ніжняй трэці правага сцягна, а таксама фізічны боль». Паводле артыкулу 364 КК, святару пагражае да шасці гадоў пазбаўлення волі.

Блізкія святара паведамляюць, што Дзмітрыю Прыступу са знаёмай сказалі спыніцца, калі яны ехалі аўтамабілем. Мужчына гэта зрабіў, але, калі па машыне пачалі біць дручкамі, паспрабаваў уцячы, у выніку чаго і адбыўся наезд, паведамляе TUT.by.

Парафіяне з Ляхавічаў не вераць у афіцыйную версію і чакаюць вяртання святара. На іхную думку, «калі ўсё-такі нешта і было, то гэта нейкае непаразуменне».

З мінулага года святар застаецца ў Польшчы. Служыць у касцёле і выкладае рэлігію ў школе.

МГ belsat.eu

Стужка навінаў