«Славянскі базар» – вось гэта сапраўдны конкурс». Міністр культуры пра выключэнне Беларусі з «Еўрабачання»


Міністр культуры Беларусі Анатоль Маркевіч выказаўся пра сёлетні няўдзел Беларусі ў «Еўрабачанні». Ён мяркуе, што «Славянскі базар» – гэта сапраўдны конкурс, а «Еўрабачанне» стала «крыху падмяняць агульначалавечыя паняцці».

Анатоль Маркевіч сказаў, што не стаў бы перажываць наконт таго, што арганізатары «Еўрабачання» пазбавілі Беларусь права ўдзелу ў конкурсе:

«Пераадолеем мы гэтыя цяжкасці, недарэчнасці, якія ўзніклі. Бо, на мой погляд, асабліва апошнімі гадамі, конкурс «Еўрабачанне» стаў крыху падмяняць агульначалавечыя паняцці».

«Сапраўдным конкурсам» Маркевіч назваў «Славянскі базар», які штогод ладзяць у Віцебску:

«Міжнародны фестываль «Славянскі базар», які кожны год дзякуючы падтрыманню кіраўніцтва дзяржавы праводзіцца ў Віцебску, – вось гэта сапраўдныя конкурсы. Вось гэта сапраўднае майстэрства, і мы ганарымся тым, што нашая краіна становіцца вось такою цудоўнаю пляцоўкай».

Раней кіраўнік Белтэлерадыёкампаніі Іван Эйсмант у адказ на выключэнне заявіў, што Беларусь ужо перамагла на «Еўрабачанні».

Hавiны
«Галасы ЗМеста» не паедуць на «Еўрабачанне» з песняй «Я научу тебя»
2021.03.11 18:13

АД, belsat.eu

Стужка навінаў