Затрыманні ва Уруччы.
Фота: motolkohelp
Увечары 5 студзеня ў менскіх дварах адбыліся масавыя затрыманні мясцовых жыхароў. Пра гэта паведамляе тэлеграм-канал Антона Матолькі.
Гэтак, паведамляецца, што АМАП затрымаў каля 15-і чалавек ва Уруччы-4, на вуліцы Ложынская 4.
«Было 2 машыны ціхароў, а потым бус АМАПу, зайшлі з розных бакоў і забралі ўсіх мужчын», – распавядаюць відавочцы.
Па адрасе Ложынская, 20 забралі хлопцаў, якія пілі гарбату ў двары.
Яшчэ некалькі жыхароў сталі ахвярамі затрыманняў у квартале «Форэст» у Новай Баравой. Сюды прыехалі невядомыя на легкавых аўтамабілях.
Вядома пра трох затрыманых на Прытыцкага, 83.
Нягледзячы ні на што, беларусы сёння працягвалі выходзіць на маршы суседзяў. Напрыклад, у Масюкоўшчыне.
Або іншых мікрараёнах.
МГ belsat.eu
