Міліцыянты ў сталіцы Беларусі затрымалі грамадзянаў іншай краіны, якія хаваліся ад правасуддзя ў Менску, піша прэсавая служба МУС.
Міліцыянты пры падтрыманні байцоў СОБРу ў Менску затрымалі 49-гадовага мужчыну і ягонага 25-гадовага сына. Затрыманыя – грамадзяне іншай краіны, але іхнага грамадзянства міліцыянты не называюць. Паведамляецца, што на радзіме мужчын падазраюць у здзяйсненні асабліва цяжкіх злачынстваў – выкрадання чалавека і згвалтавання. У Беларусі яны хаваліся ад суда. Паведамляецца, што меркаваныя злачынцы прыбылі ў Менск летась у снежні і жылі тут на здымнай кватэры.
Затрыманыя цяпер пад вартай. Іх чакае экстрадыцыя.
Алена Аляксандрава belsat.eu