Вечарам 10 ліпеня другі энергаблок Беларускай атамнай электрастанцыі ўключылі ў сетку пасля паспяховага завяршэння планавых выпрабаванняў. Ад сеткі другі энергаблок адключылі для выпрабаванняў 28 чэрвеня, паведамляе Мінэнерга.
Мінэнерга піша пра паспяховае завяршэнне выпрабавання рэжымаў расхалоджвання рэактара ў межах праграмы даследна-прамысловай эксплуатацыі другога энергаблоку атамнай электрастанцыі. 10 ліпеня энергаблок БелАЭС падключылі да сеткі. Цяпер ідзе паэтапны набор магутнасці рэактара.
Пакуль на энергаблоку будуць ладзіць дынамічныя выпрабаванні на розных узроўнях магутнасці з разгрузкай энергаблоку, у тым ліку да нулявога ўзроўню. Такім чынам абсталяванне рыхтуюць да праектнай магутнасці.
Раней другі энергаблок двойчы адключалі ад электрасеткі. Гэта адбывалася 28 чэрвеня і 27 траўня.
Першае ўключэнне ў сетку другога энергаблоку БелАЭС адбылося 13 траўня 2023 года ў 13:24. Увесці блок у прамысловую эксплуатацыю плануюць сёлета.
Алена Аляксандрава belsat.eu