Праца дзеля «выключэння лацінкі з найменняў геаграфічных аб’ектаў у Гомельскай вобласці практычна завершаная», дае справаздачу першая намесніца начальніка мясцовага галоўнага ўпраўлення землеўпарадкавання Ганна Прыкота.
Чыноўніца адзначыла, што ў Добрушскім, Ельскім, Калінкавіцкім, Кармянскім, Лоеўскім, Нараўлянскім, Кастрычніцкім, Петрыкаўскім, Рэчыцкім, Рагачоўскім, Светлагорскім і Чачэрскім раёнах – назвы на лацінцы адсутнічалі. У астатніх – «такія знакі знайшліся, але на сёння ўжо замененыя».
Нагадаем, у красавіку гэтага года ў Беларусі было скасаванае патрабаванне транслітараваць геаграфічныя назвы толькі з беларускай мовы, якое існавала больш за дваццаць гадоў, калі выкарыстоўвалі традыцыйную беларускую лацінку.
За адмену беларускай лацінкі ў транслітарацыі геаграфічных назваў змагаліся прарасейскія і праўладныя актывісты і блогеры на чале з адыёзнай інфаспецназаўкай Вольгай Бондаравай.
СП, belsat.eu