Вызваліўся з выхаваўчай калоніі палітзняволены Дзяніс Хазей з г. Высокае Берасцейскай вобласці, паведамляе праваабарончы цэнтр «Вясна».
Дзяніса затрымалі 10 сакавіка 2021 года. На момант затрымання хлопцу было 17 гадоў.
У той жа дзень быў арыштаваны 17-гадовы Сяргей Гацкевіч. Абодвух юнакоў абвінавацілі ва ўдзеле ў масавых беспарадках на акцыі ў Берасці 10 жніўня 2020 года (ч. 2 арт. 293 КК РБ) і асудзілі да 3 гадоў пазбаўлення волі ў выхаваўчай калоніі. Хлопцы адбывалі пакаранне ў Бабруйскай выхаваўчай калоніі № 2.
30 снежня Сяргей і Дзяніс выйшлі на волю. Пра вызваленне Дзяніса праваабаронцам стала вядома толькі цяпер.
Паводле стану на 16 студзеня ў Беларусі прызнаныя палітычнымі вязнямі 1410 чалавек.
Марыя Міхалевіч belsat.eu