Эпоха канфліктаў паміж Расеяй і Беларуссю не скончаная: пасля пандэміі канфліктаў стане толькі болей. У гэтым упэўнены дырэктар Цэнтру стратэгічных і вонкавапалітычных даследаванняў Арсень Сівіцкі.
«Як толькі сітуацыя з каронавірусам у Расеі будзе стабілізаваная, яна вернецца да ўльтыматуму, агучыць яго адкрыта. Гэта значыць, што той рубікон, пасля якога Расея вымушаная будзе прымаць канкрэтныя рашэнні, ужо вельмі блізкі. На жаль, хутчэй за ўсё Расея вымушаная будзе прыняць рашэнне аб умяшанні ў справы Беларусі, і звязана гэта з тым, што расейскаму кіраўніцтву трэба знайсці новую крыніцу легітымнасці», – выказаўся ў эфіры «Размовы ProContra» Арсень Сівіцкі.
Глядзіце ў «Размове ProContra» з Уладзімірам Мацкевічам ды Віталём Цыганковым і дырэктарам Цэнтру стратэгічных і вонкавапалітычных даследаванняў Арсенем Сівіцкім.
Спецыяльна для тых, каму зручней слухаць, а не глядзець, «Размова» запусціла падкасты. Калі вы займаецеся хатнімі справамі, кіруеце машынай ці проста не жадаеце сачыць за мільгаценнем кадраў – гэта для вас.