«Зламалі плячо або руку». У Белгазпрамбанку затрымалі тузін інкасатараў, нібыта за абразу Лукашэнкі
Беларускія медыі паведамляюць пра масавыя затрыманні інкасатараў у Белгазпрамбанку. Колькасць затрыманых дакладна невядомая.
Як піша «Зеркало», 6 верасня ў Белгазпрамбанку сілавікі затрымалі «10 або 11» працаўнікоў інкасатарскай службы. У тым ліку і начальнік службы інкасацыі. Большасць з іх цяпер знаходзіцца на Акрэсціна, ім далі па 14 содняў. Але імі ўжо зацікавіўся Следчы камітэт.
«Некаторых затрымлівалі даволі жорстка. Аднаму нават зламалі плячо або руку – нібыта за аказанне супраціву. У саміх інкасатараў удома прайшлі ператрусы», – сказаў супрацоўнік Белгазпрамбанку.
Ёсць меркаванне, што затрыманні адбыліся нібы за абразу Лукашэнкі ва ўнутраным чаце, інфармацыю з якога злілі сілавікам.
Тэлеграм-канал «МотолькоПомоги» паведамляе пра 14 затрыманых.
Якуб Хруст belsat.eu
