Аляксандр Лукашэнка назваў суддзяў абаронцамі краіны. Ён упэўнены, што праз прысуды пасля мірнай рэвалюцыі 2020 года ім будзе «не сорамна глядзець у вочы людзям і сваім дзецям», перадае БелТА.
Аляксандр Лукашэнка заявіў, што ў 2020 годзе разам з суддзямі «выратаваў краіну». Ён сказаў пра гэта на цырымоніі ўзнагароджання суддзяў Вярхоўнага суда.
«У маёй памяці не засталося ніводнага выпадку, дзе б судовая сістэма павалілася, дзе б яна падвяла краіну, дзе б яна не ўстала ў шэраг з тымі, хто змагаўся за існаванне нашай Беларусі. Калі б мы тады завагаліся, у нас бы сёння было горш, чым ва Украіне», – сказаў ён.
Суддзі, са словаў Лукашэнкі, «зрабілі вялікую справу».
«Вялікі вам дзякуй за ўсё гэта. Нам не сорамна будзе глядзець людзям у вочы і сваім дзецям», – заявіў ён.
Незалежная судовая ўлада фактычна адсутнічае ў Беларусі пасля рэферэндуму 1996 года. А з 2020 года суддзі ў судах усіх узроўняў з розных рэгіёнаў Беларусі спрычыніліся да палітычна матываваных пакаранняў дзясяткаў тысяч асобаў.
Сяргей Крот belsat.eu