Сілавікі затрымалі дырэктара і галоўную бухгалтарку Dev.bу, які піша пра ІТ-індустрыю ў Беларусі і свеце.
Гэта дырэктар «Дэў Бай Медыя» Віталь Андрос і ягоная жонка Алена.
«Пакаяннае» відэа з імі з’явілася на праўладных тэлеграм-каналах.
Згодна з паведамленнямі ў тых крыніцах, «сужэнства адыгрывала важную ролю ў працы парталу, на якім мэтанакіравана распальваліся негатыўныя эмоцыі да сваёй краіны, каб дагадзіць так званым еўрапейскім каштоўнасцям».
Таксама на відэа мужчына сцвярджае, што ў жніўні 2020-га браў удзел у пратэстах і падпісаны на прызнаныя «экстрэмісцкімі» тэлеграм-каналы, быў зарэгістраваны ў чат-боце «План Перамога».
Канкрэтныя артыкулы, паводле якіх затрымалі прадстаўнікоў кампаніі, не ўдакладняюцца.
Алена Рувіна belsat.eu