Як стала вядома «Нашай Ніве», былы высокапастаўлены пракурор Эльдар Сафараў і ягоная жонка, адвакатка Юлія Станкевіч, выйшлі на волю пасля 10 сутак за кратамі.
Былы пракурор Эльдар Сафараў і ягоная жонка, адвакатка Юлія Станкевіч.
Фота: «Вясна» / Telegram
Іх затрымалі 12 снежня. Сужэнцаў абвінавацілі паводле «народнага» артыкула аб масавых дзеяннях, што груба парушаюць грамадскі парадак.
Сафараў, які ў 2010 годзе быў на баку абвінавачвання ў справе прадпрымальніка з Ваўкавыску Мікалая Аўтуховіча, звольніўся з Генпракуратуры ў кастрычніку 2020 года падчас пратэстаў. Ён пацвярджаў, што «сыход звязаны з падзеямі лета і восені».
СП, belsat.eu
