Беларусь скончыць 2023 год без дэфіцыту бюджэту, заявіў міністр фінансаў Юрый Селівёрстаў. Улады лічылі, што дэфіцыт складзе 3,1 млрд рублёў.
«Мы планавалі дэфіцытны бюджэт, а сёння мы выканаем яго без дэфіцыту. Гэта не можа не радаваць», – кажа Юрый Селівёрстаў.
Раней прадстаўнікі Мінфіну ўжо казалі, што выдаткі не перавысяць даходаў бюджэту ў 2023 годзе. Даведацца, як ідзе напаўненне бюджэту і трата сродкаў можна толькі са словаў чыноўнікаў, бо Мінфін не публікуе справаздачаў з сярэдзіны 2022 года.
Паводле Селівёрстава, сярод іншага, бюджэту дапамаглі экспарцёры. У наступным годзе ўлады разлічваюць, што падатковыя прыбыткі ад замежнаэканамічнай дзейнасці павялічацца амаль удвая.
У 2024 годзе таксама плануецца дэфіцыт бюджэту на суму 4,75 млрд рублёў.
Арсен Рудэнка belsat.eu
