«Не маўчы. Палон забівае». У Кіеве прайшла маштабная акцыя ў падтрымку ваеннапалонных

14.04.202417:18

12-14 красавіка ў розных гарадах Украіны ў рамках ініцыятывы «Не маўчы. Палон забівае» адбыліся акцыі ў падтрымку палонных абаронцаў «Азоўсталі», ваеннапалонных з іншых кірункаў і мірных закладнікаў. Абаронцы «Азоўсталі» знаходзяцца трэцюю вясну ў расейскім палоне. Як прайшла акцыя ў сталіцы Украіны глядзіце ў нашым матэрыяле.

У цэнтры Кіева адбылася акцыя «Не маўчы. Палон забівае» у падтрымку палонных абаронцаў «Азоўсталі», усіх палонных і зніклых без вестак. Арганізатарамі мерапрыемства выступілі сем’і ваеннапалонных марыупальскага гарнізону. Кіеў, Украіна. 14 красавіка 2024 года.

Фота: Уладзіслаў Максіменка / Белсат

Згодна з інфармацыяй Міністэрства рэінтэграцыі часова акупаваных тэрыторый Украіны па стане на 17 лістапада 2023 года ў расейскім палоне знаходзяцца мінімум 4337 украінцаў – 3574 вайскоўцы і 763 грамадзянскія асобы.

Апошнія вялікія абмены ваеннапалоннымі паміж Расеяй і Украінай адбыліся 31 студзеня і 8 лютага 2024 года, калі Украіна павярнула 207 і 100 асобаў адпаведна.

Андрэй Шаўчэнка belsat.eu

Азоўсталь акцыі пратэсту вайна ва Украіне ЗСУ палонныя Украіна-2022 фота