Амбасада Беларусі ў РФ паведаміла, што ў спісе загінулых у выніку тэрарыстычнага нападу 22 сакавіка ёсць грамадзянка Беларусі 1978 году нараджэння.
Пра асобу жанчыны нічога не паведамляецца, яе імя амбасада не называе.
Агулам колькасць ахвяраў тэракту ў «Крокусе» дасягнула 137 чалавек. Апазнаныя 62 целы.
Раней паведамлялася, што ў тэракце 22 сакавіка пацярпелі як мінімум двое беларусаў: Алім Кашавараў і Вадзім Кулік. Яны працавалі ахоўнікам у «Крокус Сіці Хол» і падчас нападу тэрарыстаў спрабавалі ратаваць людзей.
Алім Кашавараў атрымаў кулявыя раненні і цяпер знаходзіцца ў крытычным стане. Вадзім Кулік, як кажуць відавочцы, абгарэў пры пажары і выйсці з будынку не здолеў. Яго дасюль не знайшлі. Пры гэтым амбасада пакуль не можа пацвердзіць гібель Вадзіма Куліка.
Глеб Нержын belsat.eu
