Супрацоўнікі ГУБАЗіКа затрымалі блогерку Жанну Волкаву, якая апублікавала відэа з рэцэптам сасісак у цесце…
Дастаючы з духоўкі прыгатаванае блюда, блогерка адзначыла, што з аднаго боку пару штук падгарэлі. «Магчыма, гэта прыляцеў бумеранг, бо шкада і ўкраінскіх дзяцей, праўда?» – пракаментавала блогерка ў сваім відэа.
Прапагандыст Канстанцін Прыдыбайла палічыў гэтыя словы Волкавай за апраўданне тэракту ў «Крокус Сіці Хол», які адбыўся 22 сакавіка.
У «пакаяльным» відэа блогерка расказвае аб тым, што ўдзельнічала ў пратэстах у 2020 годзе, «шкадуе» аб тым, што запосціла такое відэа і прызнаецца ў любові да сваёй краіны.
Сілавікі таксама пагражалі сыну блогеркі, які жыве ў Маскве.
Жанна Волкава мае вялікую колькасць падпісантаў, толькі ў Tik-Tok на яе падпісана амаль 400 тысячаў чалавек. Сярод іншага блогерка ў сваім акаўнце расказвае пра змаганне з анкалагічным захворваннем, выяўленым у яе.
Сілавікі пагражаюць ёй зняволеннем на 7 гадоў.
Раман Шавель belsat.eu
