Запасацца харчамі і палівам. Парады беларусам з нагоды мяцяжу Прыгожына ў Расеі
Тэлеграм-канал «Экономика Беларуси» распавёў пра магчымы ўплыў мяцяжу Яўгенія Прыгожына ў Расеі на беларускую эканоміку.
Перадусім эканамісты прадказваюць абвал расейскага рубля, «амаль сінхронна» з якім будзе падаць і беларускі.
Таксама яны прадказваюць паліўны крызіс – «ужо можна казаць аб лакальных лагістычных калапсах і пагрозе поўнага лагістычнага паралічу РФ».
Адначасова чакаецца прыпыненне беларускага экспарту праз расейскія парты, імпарту ў Беларусь з Расеі і прыпыненне міжнародных авіязлучэнняў з прычыны паветраных баёў на тэрыторыі РФ.
«Што рабіць? Быць гатовым да цяжкога часу. Рыхтаваць запасы харчоў, рэчаў першай неабходнасці і паліва», – дадалі эканамісты.
Былы працаўнік Службы бяспекі Украіны, вайсковы эксперт Іван Ступак таксама пракаментаваў «Белсату» тое, як мяцеж Яўгенія Прыгожына ў Расеі ўплывае на Аляксандра Лукашэнку ў Беларусі. І якія ў яго застаюцца варыянты.
Якуб Хруст belsat.eu
